బురదమయంగా మధిర బస్టాండ్.. ప్రయాణికులకు తప్పని ఇబ్బందులు

మధిర, ఖమ్మం జిల్లా: ఇటీవల కురిసిన వర్షాలతో మధిర బస్టాండ్ ఆవరణ బురదమయంగా మారింది. బస్టాండ్‌లోకి వెళ్లేందుకు ప్రయాణికులు తీవ్ర ఇబ్బందులు ఎదుర్కొంటున్నారు. ముఖ్యంగా వర్షం తర్వాత బస్టాండ్ పరిసరాల్లో నీరు నిలిచి, మట్టి బురదగా మారడంతో నడిచేందుకు కూడా ఇబ్బందికర పరిస్థితులు నెలకొన్నాయి.

బస్టాండ్ ఆవరణలో పేరుకుపోయిన బురదను తొలగించడంతో పాటు, నీరు నిలవకుండా శాశ్వత చర్యలు చేపట్టాలని ప్రయాణికులు కోరుతున్నారు. అవసరమైన ప్రాంతాల్లో డస్ట్ లేదా గ్రావెల్ చల్లి రాకపోకలకు ఇబ్బందులు లేకుండా చూడాలని విజ్ఞప్తి చేస్తున్నారు. సంబంధిత అధికారులు వెంటనే స్పందించి బస్టాండ్‌లో పరిశుభ్రత, పారిశుద్ధ్యం, ప్రయాణికులకు సౌకర్యాలు మెరుగుపరచాలని ప్రజలు కోరుతున్నారు.