మంగ్లీ సోదరుడి ఖాతాకు డబ్బులు.. కేసులో కొత్త మలుపు

మంగ్లీ సోదరుడి ఖాతాకు డబ్బులు.. కేసులో కొత్త మలుపు

హైదరాబాద్‌లో వెలుగుచూసిన మైక్రో ఫైనాన్స్ కేసులో కీలక పరిణామాలు చోటుచేసుకున్నాయి. గాయని మంగ్లీ తమ్ముడు శివ చౌహాన్ బ్యాంకు ఖాతాలను పోలీసులు పరిశీలించగా అనుమానాస్పద లావాదేవీలు బయటపడ్డాయి.

రమావత్ మధు ఖాతా నుంచి శివ చౌహాన్ అకౌంట్‌కు మూడు సార్లు డబ్బులు బదిలీ అయినట్లు గుర్తించారు. ముఖ్యంగా, ఖాతాలో డబ్బులు జమ అయిన వెంటనే మరుసటి రోజే విత్‌డ్రా చేయడం జరిగినట్లు అధికారులు వెల్లడించారు.

ఈ నేపథ్యంలో రమావత్ మధు బ్యాంకు ఖాతాలను సైబరాబాద్ పోలీసులు సీజ్ చేశారు. అలాగే మధు, హిమకాంత్ రెడ్డి, శివ చౌహాన్‌ల బ్యాంకు లావాదేవీల పూర్తి వివరాలు అందించాలని సంబంధిత బ్యాంకులకు లేఖలు పంపించారు.

కేసు దర్యాప్తు మరింత వేగంగా కొనసాగుతోంది.