చింతూరులో బీజేపీ మండల పదాధికారుల సమావేశం

స్థానిక సంస్థల ఎన్నికలకు సిద్ధంగా ఉండాలి: లక్ష్మణ్ రాజు

చింతూరు: పోలవరం జిల్లా చింతూరు మండల కేంద్రంలో బీజేపీ మండల అధ్యక్షుడు బట్ట లక్ష్మణ్ రాజు ఆధ్వర్యంలో మండల పదాధికారులు, కార్యకర్తల సమావేశం నిర్వహించారు.

ఈ సందర్భంగా లక్ష్మణ్ రాజు మాట్లాడుతూ పార్టీ సంస్థాగత అంశాలపై పదాధికారులు, కార్యకర్తలతో చర్చించారు. కేంద్ర, రాష్ట్ర ప్రభుత్వాలు అమలు చేస్తున్న సంక్షేమ పథకాలు అర్హులైన ప్రజలకు చేరేలా కార్యకర్తలు ప్రజలకు అందుబాటులో ఉండాలని సూచించారు.

ప్రజలకు పార్టీ కార్యకర్తలు మరింత చేరువై వారి సమస్యలను తెలుసుకుని, ప్రభుత్వ సంక్షేమ పథకాలపై అవగాహన కల్పించాలని దిశానిర్దేశం చేశారు. స్థానిక సంస్థల ఎన్నికలను దృష్టిలో ఉంచుకుని పార్టీ శ్రేణులు ఎప్పుడు ఎన్నికలు వచ్చినా ఎదుర్కొనేందుకు సిద్ధంగా ఉండాలని కోరారు.

సమావేశంలో బీజేపీ సీనియర్ నాయకుడు కుర్సం సుబ్బారావు, మండల ఉపాధ్యక్షుడు పైదా సుబ్బయ్య, మండల కోశాధికారి అప్పున జీవాజీ గణేష్, ప్రధాన కార్యదర్శి పైదా మనోజ్, కార్యదర్శి పల్లాల రాజిరెడ్డి, ఎస్టీ మోర్చా అధ్యక్షుడు పర్శక కామరాజు, యువ మోర్చా అధ్యక్షుడు పైదా సురేష్‌తో పాటు గంగారాజు, నరేష్, మరయ్య, శివ, పాపయ్య తదితరులు పాల్గొన్నారు.

సమావేశం వివరాలను బీజేపీ చింతూరు మండల అధ్యక్షుడు బట్ట లక్ష్మణ్ రాజు వెల్లడించారు.