యువ చెస్ క్రీడాకారిణి చల్లా నిహారికకు మంత్రి నారా లోకేశ్ అభినందనలు

ఇంటర్నేషనల్ మాస్టర్ హోదా సాధనపై హర్షం.. ఉమెన్స్ మాస్టర్ టైటిల్ సాధించడమే లక్ష్యం

పెదకూరపాడు (Ntoday News): పల్నాడు జిల్లా అచ్చంపేట మండలం రుద్రవరం గ్రామానికి చెందిన యువ చెస్ క్రీడాకారిణి చల్లా నిహారికను మంత్రి నారా లోకేశ్ అభినందించారు. నిహారిక సాధించిన విజయంపై ఆమె కుటుంబ సభ్యులకు శుభాకాంక్షలు తెలిపారు.

రుద్రవరం గ్రామానికి చెందిన టీడీపీ నాయకుడు చల్లా రమేష్ కుమార్తె నిహారిక ఇటీవల ఇంటర్నేషనల్ మాస్టర్ హోదా సాధించడం విశేషం. ఈ సందర్భంగా ఆమెను పలువురు టీడీపీ నాయకులు అభినందించారు.

భవిష్యత్తులో ఉమెన్స్ మాస్టర్ టైటిల్ సాధించడమే తన లక్ష్యమని నిహారిక తెలిపింది. తన క్రీడా ప్రయాణంలో ప్రభుత్వం అన్ని విధాలా అండగా నిలుస్తుందని ఆశాభావం వ్యక్తం చేసింది.

ఈ కార్యక్రమంలో టీడీపీ సీనియర్ నాయకుడు కంచేటి సాయి తదితరులు పాల్గొని నిహారికకు అభినందనలు తెలిపారు.