54వ డివిజన్‌లో రోడ్డు సమస్యపై ఎమ్మెల్యే ప్రేమ్ సాగర్ రావు తక్షణ స్పందన
విద్యార్థులు, ఉపాధ్యాయుల ఇబ్బందులను దృష్టిలో ఉంచుకుని అధికారులకు ఆదేశాలు
మంచిర్యాల | Ntoday News
మంచిర్యాల మున్సిపల్ కార్పొరేషన్ పరిధిలోని 54వ డివిజన్ గాంధీనగర్ సినిమా వాడలో ప్రభుత్వ హైస్కూల్‌కు వెళ్లే రోడ్డు సమస్యపై ఎమ్మెల్యే కొక్కిరాల ప్రేమ్ సాగర్ రావు తక్షణమే స్పందించారు.
ఈ సమస్యను మంచిర్యాల మున్సిపల్ కార్పొరేషన్ డిప్యూటీ మేయర్ సల్ల రమ్య–మహేష్ ఎమ్మెల్యే దృష్టికి తీసుకెళ్లారు. దీంతో స్పందించిన ఎమ్మెల్యే సంబంధిత అధికారులతో ఫోన్‌లో మాట్లాడి పరిస్థితిని వివరించారు.
ప్రభుత్వ హైస్కూల్‌కు రాకపోకలు సాగించే విద్యార్థులు, ఉపాధ్యాయులు ఎదుర్కొంటున్న ఇబ్బందులను దృష్టిలో ఉంచుకుని రోడ్డు సమస్యను అత్యంత త్వరగా పరిష్కరించేలా చర్యలు చేపట్టాలని అధికారులను ఆదేశించారు.
విద్యార్థులు, ఉపాధ్యాయులకు ఇబ్బందులు లేకుండా రోడ్డు సమస్యకు త్వరితగతిన పరిష్కారం లభిస్తుందని స్థానికులు ఆశాభావం వ్యక్తం చేస్తున్నారు.
