కనిగిరిలో ఎమ్మెల్యే ప్రజాదర్బార్

కనిగిరి: పట్టణంలోని అమరావతి గ్రౌండ్స్‌లో ఎమ్మెల్యే ముక్కు ఉగ్ర నరసింహారెడ్డి శుక్రవారం ప్రజాదర్బార్ నిర్వహించారు. ఈ సందర్భంగా నియోజకవర్గంలోని వివిధ ప్రాంతాల నుంచి వచ్చిన ప్రజలు తమ సమస్యలను ఎమ్మెల్యే దృష్టికి తీసుకెళ్లి వినతిపత్రాలు అందజేశారు.

భూ సమస్యలు, కొత్త రేషన్ కార్డుల మంజూరు, రహదారుల నిర్మాణం, డ్రైనేజీ కాలువల ఏర్పాటు తదితర అంశాలపై ప్రజలు అర్జీలు సమర్పించారు.

ప్రజల నుంచి స్వీకరించిన వినతిపత్రాలను సంబంధిత శాఖల అధికారులకు పంపించి, సమస్యలను పరిశీలించి త్వరితగతిన పరిష్కరించేలా చర్యలు తీసుకుంటామని ఎమ్మెల్యే తెలిపారు. ప్రజల సమస్యల పరిష్కారానికి ప్రాధాన్యం ఇస్తామని పేర్కొన్నారు.