నల్లగొండలో మహిళా శక్తి పెట్రోల్ పంపు ప్రారంభం

నల్లగొండలో మహిళా శక్తి పెట్రోల్ పంపు ప్రారంభం

నల్లగొండ: మహిళలకు ఆర్థిక స్వావలంబన కల్పించే దిశగా నల్లగొండలో మరో ముందడుగు పడింది. నల్లగొండ-సాగర్ రోడ్డులో నీలగిరి మహిళా సమాఖ్య ఆధ్వర్యంలో నూతనంగా ఏర్పాటు చేసిన నీలగిరి మహిళా శక్తి పెట్రోల్ పంపును మంత్రి కోమటిరెడ్డి వెంకటరెడ్డి, ఎంపీ రఘువీర్‌రెడ్డి ప్రారంభించారు. జిల్లా కలెక్టర్ చంద్రశేఖర్ సమక్షంలో నిర్వహించిన ప్రారంభోత్సవ కార్యక్రమంలో ఎమ్మెల్సీ కేతావత్ శంకర్ నాయక్, సాగర్ ఎమ్మెల్యే కుందూరు జైవీర్‌రెడ్డి, నగరపాలక సంస్థ చైర్మన్ బుర్రి చైతన్య శ్రీనివాస్‌రెడ్డి తదితరులు పాల్గొన్నారు. నీలగిరి మహిళా సమాఖ్య ఆధ్వర్యంలో ఈ పెట్రోల్ పంపు నిర్వహించనున్నారు. మహిళలకు ఉపాధి అవకాశాలు కల్పించడంతో పాటు ఆర్థికంగా స్వావలంబన సాధించేలా ఈ కార్యక్రమం దోహదపడుతుందని నిర్వాహకులు తెలిపారు. మహిళల ఆధ్వర్యంలో పెట్రోల్ పంపు నిర్వహణకు శ్రీకారం చుట్టడం పట్ల పలువురు హర్షం వ్యక్తం చేశారు. ఈ కార్యక్రమంలో అధికారులు, ప్రజాప్రతినిధులు, మహిళా సమాఖ్య సభ్యులు, స్థానికులు పాల్గొన్నారు.