నవంబర్‌లోపే స్థానిక ఎన్నికలు.. సిద్ధంగా ఉండాలని పవన్ కళ్యాణ్ పిలుపు

ఆంధ్రప్రదేశ్‌లో స్థానిక సంస్థల ఎన్నికలు నవంబర్‌లోపే జరిగే అవకాశముందని ఉప ముఖ్యమంత్రి పవన్ కళ్యాణ్ వెల్లడించినట్లు సమాచారం. జనసేన పార్టీ ఎంపీలు, ఎమ్మెల్సీలు, ఎమ్మెల్యేలతో నిర్వహించిన సమావేశంలో ఆయన ఈ విషయాన్ని ప్రస్తావించారు.

ఎన్నికలను దృష్టిలో ఉంచుకుని పార్టీ నాయకులు, కార్యకర్తలు ఇప్పటి నుంచే సిద్ధంగా ఉండాలని సూచించారు. ప్రజాప్రతినిధులు నిరంతరం ప్రజలకు అందుబాటులో ఉంటూ, వారి సమస్యల పరిష్కారానికి ప్రాధాన్యం ఇవ్వాలని ఆదేశించారు. అలాగే పార్టీ క్యాడర్‌ను ఎన్నికలకు సమాయత్తం చేసేలా కార్యాచరణ చేపట్టాలని నాయకులకు సూచించారు.