చిల్లాపురం రామలింగేశ్వర స్వామి దేవస్థానానికి నూతన కమిటీ ఎన్నిక

చిల్లాపురం, అక్టోబర్ 8: యాదాద్రి భువనగిరి జిల్లా నారాయణపురం మండలం చిల్లాపురం గ్రామంలోని శ్రీ రామలింగేశ్వర స్వామి దేవస్థానం అభివృద్ధి, నిర్వహణతో పాటు భక్తులకు మెరుగైన సౌకర్యాలు కల్పించేందుకు నూతన కమిటీని ఏకగ్రీవంగా ఎన్నుకున్నారు.

నూతన కమిటీ అధ్యక్షుడిగా మేకల వెంకటయ్య, ఉపాధ్యక్షులుగా కొప్పు సుధాకర్, రమావత్ రాజు, కార్యదర్శిగా దుబ్బాక లక్ష్మీనారాయణ, సహాయ కార్యదర్శిగా పర్సనగోని యాదగిరి, కోశాధికారిగా లింగంపల్లి అంజయ్య ఎన్నికయ్యారు.

నూతనంగా ఎన్నికైన కమిటీ సభ్యులకు గ్రామస్తులు, భక్తులు శుభాకాంక్షలు తెలిపారు. దేవస్థానం అభివృద్ధికి గ్రామస్తులు, భక్తుల సహకారంతో కృషి చేస్తామని కమిటీ సభ్యులు తెలిపారు. ఆలయానికి వచ్చే భక్తులకు మెరుగైన సౌకర్యాలు, సేవలు అందించడంతో పాటు దేవస్థానం అభివృద్ధికి ప్రాధాన్యత ఇస్తామని పేర్కొన్నారు.