ఓఆర్ఆర్‌పై 11 ఏళ్ల బాలుడితో లగ్జరీ కారు డ్రైవింగ్ – వైరల్ వీడియోతో సంచలనం

హైదరాబాద్ ఔటర్ రింగ్ రోడ్ (ఓఆర్ఆర్)పై 11 ఏళ్ల మైనర్ బాలుడు లగ్జరీ కారును నడిపిన ఘటన కలకలం రేపింది. ఈ దృశ్యాలు సోషల్ మీడియాలో వైరల్ కావడంతో పోలీసులు విచారణ ప్రారంభించారు.

విచారణలో బాలుడి తండ్రి, కారు యజమాని టోలిచౌకీకి చెందిన అబ్దుల్ హాదీగా గుర్తించారు. రాజేంద్రనగర్ పోలీసులు అతడిని అదుపులోకి తీసుకున్నారు.

మైనర్ బాలుడికి వాహనం నడపడానికి అవకాశం ఇచ్చిన కారణంగా అబ్దుల్ హాదీపై పలు సెక్షన్ల కింద కేసు నమోదు చేశారు. కారును పోలీసులు స్వాధీనం చేసుకుని సీజ్ చేశారు.

ప్రమాదకరంగా మైనర్లకు వాహనాలు ఇవ్వడం చట్టరీత్యా నేరమని పోలీసులు హెచ్చరించారు.