సీఎం ఇంటి ముట్టడి పిలుపుతో మా సంఘానికి సంబంధం లేదు

అరెస్టులను ఖండించిన కూనూరు సంజయ్ దాస్ గౌడ్

ఎన్ టుడే న్యూస్ చిట్యాల

తెలంగాణ ముఖ్యమంత్రి నివాసం ముట్టడి పిలుపుతో తెలంగాణ మలిదశ ఉద్యమకారుల సంక్షేమ సంఘానికి ఎలాంటి సంబంధం లేదని ఆ సంఘం రాష్ట్ర వ్యవస్థాపక అధ్యక్షుడు కూనూరు సంజయ్ దాస్ గౌడ్ స్పష్టం చేశారు. సంఘం రాష్ట్ర ఉపాధ్యక్షుడు మంద వేణుగోపాల్ రెడ్డి, నల్లగొండ జిల్లా వర్కింగ్ ప్రెసిడెంట్ జోగు లింగస్వామిలను పోలీసులు ముందస్తుగా అరెస్ట్ చేయడాన్ని తీవ్రంగా ఖండించారు. ప్రజాస్వామ్యంలో ముందస్తు అరెస్టులు సరికాదన్నారు. ముఖ్యమంత్రి రేవంత్ రెడ్డి, ప్రభుత్వ విప్ వేముల వీరేశంపై తమకు పూర్తి విశ్వాసం ఉందని, ఉద్యమకారుల సమస్యల పరిష్కారానికి ప్రభుత్వంతో చర్చల ద్వారానే ముందుకు వెళ్తామని తెలిపారు. ప్రభుత్వ సలహాదారు కే. కేశవరావు నేతృత్వంలో ఉద్యమకారుల సమస్యలపై కమిటీ పనిచేస్తోందని పేర్కొన్నారు.