పెనుగొలనులో గర్భిణీలు, బాలింతలు, చిన్నారులకు వ్యాధి నిరోధక టీకాలు

పెనుగొలనులో గర్భిణీలు, బాలింతలు, చిన్నారులకు వ్యాధి నిరోధక టీకాలు

ఎన్టీఆర్ జిల్లా తిరువూరు నియోజకవర్గం గంపలగూడెం మండలం పెనుగొలను గ్రామంలోని 99వ అంగన్వాడీ కేంద్రంలో బుధవారం ఆరోగ్య శాఖ ఆధ్వర్యంలో గర్భిణీలు, బాలింతలు, చిన్నారులకు వ్యాధి నిరోధక టీకాలు వేశారు. వర్షాకాలంలో తీసుకోవాల్సిన జాగ్రత్తలపై ఆరోగ్య సిబ్బంది అవగాహన కల్పించారు. వ్యక్తిగత పరిశుభ్రత పాటించడంతో పాటు పరిసరాలను పరిశుభ్రంగా ఉంచుకోవాలని సూచించారు. కార్యక్రమంలో ఏఎన్‌ఎం ఎ. రత్నకుమారి, అంగన్వాడీ సహాయకురాలు దేవర అంజలి, ఆశా కార్యకర్తలు తదితరులు పాల్గొన్నారు.