పోలీస్ అధికారి కావాలన్న రాహుల్ కలను నిజం చేసిన సీపీ సుమతి

పోలీస్ అధికారి కావాలన్న రాహుల్ కలను నిజం చేసిన సీపీ సుమతి

పుట్టుకతోనే దివ్యాంగుడైన రాహుల్‌కు పోలీస్ అధికారి కావాలన్నది చిరకాల కోరిక. ఒక్కరోజైనా పోలీస్ అధికారి కుర్చీలో కూర్చోవాలన్న అతని ఆశయాన్ని హైదరాబాద్ నగర పోలీస్ కమిషనర్ సుమతి బడుగుల,  నెరవేర్చారు.

రాహుల్‌ను పోలీస్ కమిషనర్ కార్యాలయానికి ఆహ్వానించి, కమిషనర్ కుర్చీలో కూర్చోబెట్టి అతని కలను సాకారం చేశారు. ఈ సందర్భంగా రాహుల్‌తో ఆప్యాయంగా మాట్లాడి, జీవితంలో మరిన్ని విజయాలు సాధించాలని ప్రోత్సహించారు.

సీపీ సుమతి చూపిన మానవత్వం, సున్నితమైన స్పందనకు పలువురు ప్రశంసలు వ్యక్తం చేస్తున్నారు. రాహుల్ ముఖంలో చిరునవ్వు నింపిన ఈ ఘటన అందరి హృదయాలను హత్తుకుంటోంది.