చలో కలెక్టరేట్‌కు అనుమతులు రద్దు
ఆంధ్రప్రదేశ్
/
ప్రకాశం
Thallapalli Lakshmana
కనిగిరి నియోజకవర్గ ప్రతినిధి
చలో కలెక్టరేట్‌కు అనుమతులు రద్దు.. ప్రకాశం జిల్లా ఎస్పీ హర్షవర్ధన్ రాజు
ప్రకాశం జిల్లా: ఈ నెల 12న ఎమ్మార్పీఎస్, ముస్లిం సంఘాలు, ప్రజా సంఘాలు తలపెట్టిన చలో కలెక్టరేట్ కార్యక్రమానికి ఇచ్చిన అనుమతులను రద్దు చేసినట్లు ప్రకాశం జిల్లా ఎస్పీ హర్షవర్ధన్ రాజు తెలిపారు.
శనివారం ఆయన మాట్లాడుతూ సింగరాయకొండలోని చైతన్య నవోదయ విద్యాసంస్థలో విద్యార్థి కౌశిక్, అతని తల్లి మృతి ఘటనకు సంబంధించి ప్రత్యేక దర్యాప్తు చేపట్టినట్లు వెల్లడించారు. ఈ కేసు ప్రస్తుతం హైకోర్టు పరిధిలో ఉందని తెలిపారు.
కేసు దర్యాప్తు కొనసాగుతున్న నేపథ్యంలో సంబంధిత అంశాలను పరిశీలిస్తున్నామని ఎస్పీ పేర్కొన్నారు. చలో కలెక్టరేట్ కార్యక్రమానికి అనుమతుల రద్దుకు సంబంధించిన పూర్తి వివరాలను పోలీసు శాఖ వెల్లడించాల్సి ఉంది.
