ఫుట్‌బాల్‌తో ఆడుకున్న ఏనుగు.. వైరల్‌గా మారిన దృశ్యాలు

అస్సాంలోని నుమాలిగఢ్‌ బఘిదలా టీ ఎస్టేట్‌లో ఆసక్తికర ఘటన చోటుచేసుకుంది. అడవి నుంచి బయటకు వచ్చిన ఓ ఏనుగు స్థానిక పిల్లలు ఫుట్‌బాల్‌ ఆడుకునే మైదానంలోకి చేరుకుంది. అక్కడ కనిపించిన ఫుట్‌బాల్‌ను చూసిన ఏనుగు.. తొండంతో బంతిని పైకి ఎత్తి విసరడంతో పాటు కాళ్లతో తన్నుతూ కొద్దిసేపు ఆడుకుంది.

ఏనుగు బంతితో ఆడుతున్న తీరును చూసిన స్థానికులు ఆశ్చర్యానికి గురయ్యారు. సాధారణంగా అడవిలో సంచరించే గజరాజు ఇలా మైదానంలోకి వచ్చి ఫుట్‌బాల్‌తో ఆడుకోవడం అక్కడివారిని ఎంతగానో ఆకట్టుకుంది. ఈ ఆసక్తికర దృశ్యాలను కొందరు వీడియో తీసి సామాజిక మాధ్యమాల్లో పంచుకోవడంతో అవి ప్రస్తుతం వైరల్‌గా మారాయి.