విస్సన్నపేటలో పీఎం సూర్య ఘర్ సేవా సేతు క్యాంప్

ఎన్టీఆర్ జిల్లా, విస్సన్నపేట: మండల ప్రజల సౌకర్యార్థం పీఎం సూర్య ఘర్ పథకంపై అవగాహన కల్పించడంతో పాటు, ఇళ్ల పైకప్పులపై రూఫ్‌టాప్ సోలార్ విద్యుత్ ప్లాంట్లు ఏర్పాటు చేసుకోవాలనుకునే వినియోగదారులకు అవసరమైన మార్గదర్శకత్వం అందించేందుకు సేవా సేతు క్యాంప్ నిర్వహించనున్నారు.

ఈ క్యాంప్‌లో పథకానికి సంబంధించిన దరఖాస్తు విధానం, సబ్సిడీ వివరాలు, రూఫ్‌టాప్ సోలార్ ప్లాంట్ ఏర్పాటు ప్రక్రియ తదితర అంశాలపై అవగాహన కల్పించనున్నారు. అర్హత ఉన్న వినియోగదారులు క్యాంప్‌కు హాజరై పథకం వివరాలు తెలుసుకుని, రూఫ్‌టాప్ సోలార్ ఏర్పాటుకు అవసరమైన సేవలు, మార్గదర్శకత్వం పొందాలని నిర్వాహకులు కోరారు.

క్యాంప్ తేదీలు: అక్టోబర్ 6, 7, 8
స్థలం: భారత్ పెట్రోల్ బంక్ ఎదురుగా, పుట్రేల రోడ్, విస్సన్నపేట.