తిరువూరు ఆర్డీవో కార్యాలయంలో ప్రజా సమస్యల పరిష్కార వేదిక

తిరువూరు రెవెన్యూ డివిజనల్ కార్యాలయంలో సోమవారం రెవెన్యూ డివిజనల్ అధికారి ఏ. కుమార్ ప్రజా సమస్యల పరిష్కార వేదిక కార్యక్రమాన్ని నిర్వహించారు. ఈ సందర్భంగా వివిధ సమస్యలపై ప్రజలు సమర్పించిన అర్జీలను స్వీకరించి, వారి సమస్యలను సావధానంగా విన్నారు.

ప్రజలు అందజేసిన అర్జీలను పరిశీలించిన ఆర్డీవో ఏ. కుమార్, ఆయా సమస్యలకు సంబంధించి సంబంధిత అధికారులతో మాట్లాడారు. నిబంధనల మేరకు సమస్యలను పరిశీలించి, సాధ్యమైనంత త్వరగా పరిష్కరించేందుకు తగిన చర్యలు తీసుకోవాలని అధికారులను ఆదేశించారు. ప్రజల నుంచి వచ్చిన ప్రతి అర్జీని పరిశీలించి, పరిష్కారానికి అవసరమైన చర్యలు చేపట్టాలని సూచించారు.

ఈ కార్యక్రమంలో సంబంధిత శాఖల అధికారులు, రెవెన్యూ సిబ్బంది పాల్గొన్నారు.