మెట్టగూడెంలో రహదారుల పక్కన పిచ్చి మొక్కల తొలగింపు

సొంత ఖర్చులతో గ్రామ రహదారులను శుభ్రం చేయించిన వైసీపీ నాయకుడు గుంటక రఘునాథ రెడ్డి

చింతలపూడి, నవంబర్ 10: ఏలూరు జిల్లా చింతలపూడి మండలం ప్రగడవరం పంచాయతీ పరిధిలోని మెట్టగూడెం గ్రామంలో రహదారుల పరిశుభ్రతకు వైసీపీ నాయకుడు గుంటక రఘునాథ రెడ్డి ముందుకొచ్చారు. గ్రామస్తుల విజ్ఞప్తి మేరకు తన సొంత ఖర్చులతో జేసీబీ సహాయంతో రహదారికి ఇరువైపులా పెరిగిన పిచ్చి మొక్కలు, ముళ్ల పొదలు, పేరుకుపోయిన చెత్తను తొలగించి శుభ్రం చేయించారు. రోడ్డుకు ఇరువైపులా అడ్డుగా పెరిగిన చెట్ల కొమ్మలను సైతం తొలగించడంతో రాకపోకలకు ఇబ్బందులు తొలగాయని గ్రామస్తులు తెలిపారు. గ్రామ ప్రజల విజ్ఞప్తికి స్పందించి సొంత ఖర్చులతో శుభ్రత పనులు చేపట్టిన గుంటక రఘునాథ రెడ్డికి గ్రామస్తులు కృతజ్ఞతలు తెలిపారు. ఈ కార్యక్రమంలో వైసీపీ నాయకులు, కార్యకర్తలు పాల్గొన్నారు.