కనిగిరి మున్సిపాలిటీ అభివృద్ధికి రూ.25 కోట్లు మంజూరు

కనిగిరి: కనిగిరి మున్సిపాలిటీ అభివృద్ధికి హైబ్రిడ్ యాన్యుటీ మోడల్ (HAM) పథకం కింద రూ.25 కోట్లు మంజూరయ్యాయి. ఎమ్మెల్యే ముక్కు ఉగ్ర నరసింహారెడ్డి కృషితో ఈ నిధులు మంజూరైనట్లు తెలిపారు.

మంజూరైన నిధులతో పట్టణంలో పలు అభివృద్ధి పనులను చేపట్టనున్నారు. ప్రధానంగా పార్కుల అభివృద్ధి, రోడ్ల నిర్మాణం, వీధి దీపాల ఏర్పాటు, నూతన మున్సిపల్ కార్యాలయ భవన నిర్మాణానికి ఈ నిధులను వినియోగించనున్నట్లు అధికారులు తెలిపారు.

ఈ అభివృద్ధి పనులను ముఖ్యమంత్రి చంద్రబాబు మంగళవారం వర్చువల్ విధానంలో ప్రారంభించారు. కార్యక్రమాన్ని ప్రజలు వీక్షించేలా కనిగిరి మున్సిపల్ కమిషనర్ ఆధ్వర్యంలో ఎల్‌ఈడీ స్క్రీన్ ఏర్పాటు చేశారు.

రూ.25 కోట్ల నిధులతో పట్టణంలో మౌలిక వసతులు మెరుగుపడటంతో పాటు ప్రజలకు మెరుగైన సౌకర్యాలు అందుబాటులోకి రానున్నాయని అధికారులు తెలిపారు.