ఆర్టీసీ బస్సు-బొలెరో ఢీ.. ఒకరి మృతి, 15 మందికి గాయాలు

నలుగురి పరిస్థితి విషమం

తాడ్వాయి: ములుగు జిల్లా తాడ్వాయి మండలం కొండపర్తి స్టేజి సమీపంలో ఆర్టీసీ బస్సు, బొలెరో వాహనం ఢీకొన్న ఘటనలో 15 మంది గాయపడ్డారు. ప్రమాదంలో తీవ్రంగా గాయపడిన ధరావత్ భద్రు చికిత్స పొందుతూ మృతి చెందారు.

పోలీసులు, స్థానికుల వివరాల ప్రకారం.. మల్లంపల్లి మండలం సోమ్లాతండాకు చెందిన ధరావత్ భద్రు ఇటీవల మృతి చెందారు. ఆయన అస్తికలను భద్రాచలం వద్ద గోదావరిలో నిమజ్జనం చేసి తిరిగి వస్తుండగా ఈ ప్రమాదం జరిగినట్లు సమాచారం.

ప్రమాదంలో గాయపడిన వారిని చికిత్స నిమిత్తం ములుగు జిల్లా ఆస్పత్రికి తరలించారు. అక్కడ చికిత్స పొందుతూ భద్రు మృతి చెందారు. గాయపడిన వారిలో నలుగురి పరిస్థితి విషమంగా ఉన్నట్లు సమాచారం.

మృతుడి స్వగ్రామం పర్వతగిరి మండలం పెద్దతండాగా పేర్కొన్నారు. ప్రమాదానికి సంబంధించిన పూర్తి వివరాలు, కారణాలపై పోలీసులు దర్యాప్తు చేస్తున్నారు.