ఘనంగా సారిపల్లిలో శ్రీశ్రీశ్రీ అసిరితల్లి అమ్మవారి వారాల పండుగ

సారిపల్లిలో శ్రీశ్రీశ్రీ అసిరితల్లి అమ్మవారి వారాల పండుగ ఘనంగా నిర్వహణ

సారిపల్లి: నెల్లిమర్ల మండలం సారిపల్లి గ్రామంలో శ్రీశ్రీశ్రీ అసిరితల్లి అమ్మవారి వారాల పండుగను భక్తిశ్రద్ధలతో ఘనంగా నిర్వహించారు. ఈ సందర్భంగా అమ్మవారిని ప్రత్యేకంగా అలంకరించి ప్రత్యేక పూజలు నిర్వహించారు. పెద్ద సంఖ్యలో భక్తులు అమ్మవారిని దర్శించుకుని మొక్కులు చెల్లించుకున్నారు.

పండుగ సందర్భంగా గ్రామంలో వివిధ సాంస్కృతిక కార్యక్రమాలతో పాటు డాన్స్ కార్యక్రమాలను ఏర్పాటు చేశారు. యువత, మహిళలు, చిన్నారులు ఉత్సాహంగా పాల్గొనడంతో గ్రామంలో పండుగ సందడి నెలకొంది.

అమ్మవారి ఆశీస్సులతో గ్రామ ప్రజలందరూ సుఖసంతోషాలతో, ఆయురారోగ్యాలతో ఉండాలని భక్తులు కోరుకున్నారు. పండుగ ఏర్పాట్లలో గ్రామ పెద్దలు, యువత, మహిళలు, నిర్వాహకులు చురుగ్గా పాల్గొన్నారు.