జోగు దుర్గమ్మ మృతదేహానికి సంజయ్ దాస్ గౌడ్ నివాళులు

చిట్యాల, (ఎన్ టుడే న్యూస్ ) 

నల్గొండ జిల్లా చిట్యాల మండలం తాళ్లవెల్లంల గ్రామంలో తెలంగాణ మలిదశ ఉద్యమకారుల సంక్షేమ సంఘం జిల్లా వర్కింగ్ ప్రెసిడెంట్ జోగు లింగస్వామి మాతృమూర్తి జోగు దుర్గమ్మ మృతిచెందగా, సంఘం వ్యవస్థాపక అధ్యక్షుడు, తెలంగాణ ఉద్యమ నేత కూనూరు సంజయ్ దాస్ గౌడ్ ఆమె పార్థివ దేహానికి పూలమాల వేసి నివాళులర్పించారు. ఈ సందర్భంగా లింగస్వామి కుటుంబ సభ్యులను పరామర్శించి ప్రగాఢ సానుభూతి తెలిపారు. తల్లిని కోల్పోవడం తీరని లోటని, కష్టకాలంలో సంఘం ఎల్లప్పుడూ కుటుంబానికి అండగా ఉంటుందని భరోసా ఇచ్చారు. అనంతరం బాధిత కుటుంబానికి రూ.10 వేల ఆర్థిక సహాయం అందజేశారు. ఈ కార్యక్రమంలో సంఘం రాష్ట్ర ఉపాధ్యక్షుడు మంద వేణుగోపాల్ రెడ్డి, కాంగ్రెస్ నాయకులు కొసనం అశోక్ యాదవ్, జిట్టా మల్లేష్, బత్తుల నాగరాజు గౌడ్, సంఘం నాయకులు, ఉద్యమకారులు, గ్రామస్తులు పాల్గొన్నారు.