సూర్యాపేట జిల్లా – కోదాడలో నకిలీ సిగరెట్, కాఫీపొడి రాకెట్ గుట్టురట్టు

సూర్యాపేట జిల్లా – కోదాడలో నకిలీ సిగరెట్, కాఫీపొడి రాకెట్ గుట్టురట్టు

సూర్యాపేట జిల్లా కోదాడ పట్టణంలో నకిలీ సిగరెట్‌లు, కాఫీపొడి విక్రయిస్తున్న ముఠాను పోలీసులు అదుపులోకి తీసుకున్నారు. హైదరాబాద్ కేంద్రంగా ఈ అక్రమ వ్యాపారం నడిపిస్తూ కోదాడలో విక్రయాలు నిర్వహిస్తున్నట్లు గుర్తించారు.

పట్టణంలోని వెంకటేశ్వర నగర్‌లో CI శివశంకర్ నాయక్ ఆధ్వర్యంలో నిర్వహించిన ఆకస్మిక దాడుల్లో ఈ దందా బయటపడింది. సుమారు రూ.3 లక్షల విలువైన నకిలీ ‘బ్రూ’ కాఫీ ప్యాకెట్లు, సిగరెట్ ప్యాకెట్లు స్వాధీనం చేసుకున్నారు.

ప్రముఖ బ్రాండ్ల పేర్లతో నకిలీ ప్యాకింగ్‌లు చేసి వినియోగదారులను మోసం చేస్తున్నట్లు పోలీసులు తెలిపారు. ఈ కేసులో ముగ్గురు నిందితులను అదుపులోకి తీసుకుని, నాలుగు మొబైల్ ఫోన్లు సీజ్ చేశారు.

కేసు నమోదు చేసి, ఈ రాకెట్ వెనుక ఉన్న సూత్రధారులు, పాత్రధారులపై పోలీసులు లోతుగా దర్యాప్తు కొనసాగిస్తున్నారు.