నూతన స్పెషల్ బ్రాంచ్ (ఎస్‌బీ) సీఐగా సదాశివయ్య బాధ్యతలు.

స్పెషల్ బ్రాంచ్ పోలీసు శాఖకు కళ్ళు, చెవులు: ఎస్పీ

అన్నమయ్య జిల్లా నూతన స్పెషల్ బ్రాంచ్ (ఎస్‌బీ) సీఐగా సదాశివయ్య గురువారం బాధ్యతలు స్వీకరించారు. అనంతరం ఆయన జిల్లా ఎస్పీ ధీరజ్ ని మర్యాదపూర్వకంగా కలిసి పూల మొక్కను అందజేశారు. ఈ సందర్భంగా ఎస్పీ మాట్లాడుతూ, పోలీసు శాఖకు స్పెషల్ బ్రాంచ్ కళ్ళు, చెవుల వంటిదని పేర్కొన్నారు. జిల్లాలో శాంతిభద్రతల పరిరక్షణలో ఎస్‌బీ కీలక పాత్ర పోషిస్తుందని తెలిపారు. అసాంఘిక శక్తుల కదలికలపై నిరంతరం నిఘా ఉంచి, ముందస్తు సమాచారంతో నేరాలను అరికట్టాలని నూతన సీఐకి సూచించారు. అంకితభావంతో విధులు నిర్వహించి జిల్లా పోలీసు శాఖకు మరింత మంచి పేరు తీసుకురావాలని ఆకాంక్షిస్తూ యు. సదాశివయ్యకు ఎస్పీ శుభాకాంక్షలు తెలిపారు.