పెనుగొల నులో అంగన్వాడీ కేంద్రాల్లో సేవా సంకల్ప్ అభియాన్

ఎన్టీఆర్ జిల్లా, తిరువూరు నియోజకవర్గం గంపలగూడెం మండలం పెనుగొలను గ్రామంలోని 98, 99, 100, 101, 102 అంగన్వాడీ కేంద్రాల్లో శుక్రవారం సేవా సంకల్ప్ అభియాన్ కార్యక్రమాలను ప్రారంభించారు.

ప్రధానమంత్రి నరేంద్ర మోదీ ప్రజాసేవలో 25 సంవత్సరాలు పూర్తి చేసుకున్న సందర్భంగా అంగన్వాడీ కేంద్రాల్లో సేవా సంకల్ప్ అభియాన్ కార్యక్రమాలు నిర్వహిస్తున్నట్లు అంగన్వాడీ కార్యకర్తలు తెలిపారు. ఈ సందర్భంగా చిన్నారులు, గర్భిణులు, బాలింతలకు పౌష్టికాహారం, ఆరోగ్య సంరక్షణ, వ్యాధి నిరోధక టీకాలు, పూర్వ ప్రాథమిక విద్య, ప్రధానమంత్రి మాతృ వందన యోజన పథకంపై అవగాహన కల్పించారు.

ఈ కార్యక్రమంలో అంగన్వాడీ కార్యకర్తలు పీవీ సాయి లక్ష్మి, ఎం. స్వరూప రాణి, బి. నాగమణి, కే. లింగమ్మ, డి. దివ్యతో పాటు మహిళలు, చిన్నారులు, గ్రామస్తులు పాల్గొన్నారు.