శ్రీ శంభులింగేశ్వర రజక సంఘం ఆధ్వర్యంలో ఘనంగా స్వాతంత్ర్య దినోత్సవ వేడుకలు

శ్రీ శంభులింగేశ్వర రజక సంఘం ఆధ్వర్యంలో ఘనంగా స్వాతంత్ర్య దినోత్సవ వేడుకలు

వెల్లంకి: భారత స్వాతంత్ర్య దినోత్సవాన్ని పురస్కరించుకుని వెల్లంకి గ్రామంలోని శ్రీ శంభులింగేశ్వర రజక సంఘం ఆధ్వర్యంలో శనివారం ఘనంగా వేడుకలు నిర్వహించారు. ఈ సందర్భంగా రజక సంఘం అధ్యక్షుడు ఆవనగంటి స్వామి జాతీయ జెండాను ఆవిష్కరించారు.

అనంతరం సంఘం సభ్యులు, స్వాతంత్ర్య సమరయోధుల త్యాగాలను స్మరించుకుంటూ వారికి ఘన నివాళులు అర్పించారు. దేశ స్వాతంత్ర్యం కోసం మహనీయులు చేసిన త్యాగాలను ప్రతి ఒక్కరూ గుర్తుంచుకోవాలని, దేశ ఐక్యత, సమానత్వం, అభివృద్ధి కోసం ప్రతి పౌరుడు తన వంతు బాధ్యతను నిర్వర్తించాలని అన్నారు. 

ఈ కార్యక్రమంలో శ్రీ శంభులింగేశ్వర రజక సంఘం సభ్యులు, గ్రామ పెద్దలు, యువత, విద్యార్థులు, మహిళలు తదితరులు పాల్గొన్నారు.