విశ్వనాథ స్వామి ఆలయంలో నాగుపాముల దర్శనం

పరమేశ్వరుడి దర్శనంలో నాగులు.. ఆలయంలో నాగుపాముల సందడి

నెల్లూరు జిల్లా మనుబోలు మండలం చెర్లోపల్లి గేటు వద్ద ఉన్న విశ్వనాథ స్వామి ఆలయంలో సోమవారం తెల్లవారుజామున మూడు నాగుపాములు కనిపించాయి. ఆలయంలోని శివలింగం ఎదురుగా పాములు పడగవిప్పి కొద్దిసేపు అక్కడే ఉండటంతో ఈ విషయం తెలుసుకున్న భక్తులు పెద్ద సంఖ్యలో ఆలయానికి చేరుకున్నారు. పాములను చూసిన భక్తులు ఆసక్తిగా వీక్షించారు. ఇటీవల తరచూ పాములు ఆలయంలోకి వస్తుండటంతో వాటి కదలికలను పర్యవేక్షించేందుకు ఆలయ పూజారులు సీసీ కెమెరాలను ఏర్పాటు చేశారు.