విస్సన్నపేటలో బుల్లితెర మెగాస్టార్ ఈటీవీ ప్రభాకర్ సందడి

ఎన్టీఆర్ జిల్లా, విస్సన్నపేట: ప్రముఖ టీవీ సీరియల్ నటుడు, బుల్లితెర మెగాస్టార్ ఈటీవీ ప్రభాకర్ (ప్రభాకర్ పొడకండ్ల) కుటుంబ సభ్యులతో కలిసి విస్సన్నపేటలో సందడి చేశారు. విజయవాడకు వెళ్తున్న క్రమంలో విస్సన్నపేట పోలీస్ స్టేషన్ ఎదురుగా ఉన్న ప్రముఖ ఆరుంబాకం టీ–డిగ్రీ కాఫీ సెంటర్ వద్ద ఆయన కాసేపు ఆగారు. టీ సెంటర్ నిర్వాహకురాలు లక్ష్మి ఆయనకు టీ అందించగా, టీ రుచిని మెచ్చుకున్నారు. అనంతరం అక్కడ ఉన్న వారితో సరదాగా ముచ్చటించారు. అభిమానులతో కలిసి ఫొటోలు దిగుతూ ఉల్లాసంగా గడిపారు. తమ అభిమాన నటుడు అనుకోకుండా విస్సన్నపేటకు రావడంతో స్థానికులు, టీ సెంటర్‌కు వచ్చిన వారు ఆనందం వ్యక్తం చేశారు. ఈటీవీ ప్రభాకర్‌ను చూసేందుకు పలువురు ఆసక్తి చూపించారు.