మార్కాపురం జిల్లాలో మూడు నియోజకవర్గాల్లో SMC ఎన్నికలు ప్రారంభం

మార్కాపురం: మార్కాపురం జిల్లాలోని గిద్దలూరు, మార్కాపురం, ఎర్రగొండపాలెం నియోజకవర్గాల పరిధిలోని పాఠశాలల్లో స్కూల్ మేనేజ్‌మెంట్ కమిటీ (SMC) ఎన్నికలు ప్రారంభమయ్యాయి. ఎన్నికల నేపథ్యంలో ఆయా పాఠశాలలకు విద్యార్థుల తల్లిదండ్రులు చేరుకున్నారు.

ఎన్నికల నిర్వహణకు సంబంధిత పాఠశాలల ప్రధానోపాధ్యాయులు ముందస్తు ఏర్పాట్లు చేశారు. విద్యార్థుల తల్లిదండ్రుల సమక్షంలో ఎన్నికల ప్రక్రియను నిర్వహిస్తున్నట్లు అధికారులు తెలిపారు. మధ్యాహ్నంలోపు ఆయా పాఠశాలల్లో SMC ఎన్నికల ప్రక్రియను పూర్తి చేయనున్నట్లు పేర్కొన్నారు.

ఇదిలా ఉండగా, కనిగిరి నియోజకవర్గ పరిధిలోని ప్రభుత్వ, ఎయిడెడ్ పాఠశాలల్లో స్కూల్ మేనేజ్‌మెంట్ కమిటీ ఎన్నికలను అక్టోబర్ 1న నిర్వహించనున్నట్లు అధికారులు తెలిపారు. ఎన్నికల నిర్వహణకు అవసరమైన ఏర్పాట్లు చేపట్టినట్లు పేర్కొన్నారు.