MGM ఆసుపత్రిలో భద్రతా ఏర్పాట్లపై SPF అధికారుల పరిశీలన
తెలంగాణ
/
హన్మకొండ
/
హన్మకొండ
Seetha Kiran Kumar
Hanmakonda Mandal
ప్రస్తుత భద్రతా చర్యలు, భవిష్యత్ ప్రణాళికలపై సమీక్ష
వరంగల్, సెప్టెంబర్ 28:
వరంగల్లోని MGM ఆసుపత్రిలో భద్రతా ఏర్పాట్లను SPF పోలీసు ఉన్నతాధికారులు సోమవారం పరిశీలించారు. ఆసుపత్రిలో ప్రస్తుతం అమలులో ఉన్న భద్రతా చర్యలు, భద్రతాపరంగా ఎదురవుతున్న సమస్యలు, భవిష్యత్తులో చేపట్టాల్సిన చర్యలపై వారు సమీక్ష నిర్వహించారు.
ఆసుపత్రి ప్రాంగణాన్ని పరిశీలించిన అధికారులు భద్రతా వ్యవస్థకు సంబంధించిన అంశాలను పరిశీలించారు. ఆసుపత్రిలో భద్రతను మరింత పటిష్టం చేసేందుకు తీసుకోవాల్సిన చర్యలపై చర్చించారు.
అనంతరం SPF అధికారులు వరంగల్ పోలీస్ కమిషనర్ ఎన్. శ్వేతను పోలీస్ కమిషనరేట్ కార్యాలయంలో కలిశారు. ఆసుపత్రి భద్రతకు సంబంధించిన అంశాలపై కమిషనర్తో చర్చించినట్లు తెలిపారు.
SPF కమాండెంట్ కోటేశ్వరరావు, ఇన్స్పెక్టర్ భీమా తదితర అధికారులు ఈ సందర్భంగా పాల్గొన్నారు.
