నీటి సంరక్షణపై విద్యార్థుల అవగాహన ర్యాలీ నీటిని వృథా చేయొద్దు..

ప్రతి నీటి బొట్టును పొదుపు చేయాలి

నీటి ప్రాముఖ్యతను ప్రజలకు తెలియజేస్తూ విద్యార్థులు నీటి సంరక్షణపై న్యూ యమ్ ఐ జి  కాలనీ లో అవగాహన ర్యాలీ నిర్వహించారు. విద్యుత్ కిడ్స్, ఎస్‌పీఎస్ స్కూల్ విద్యార్థులు పాల్గొని నీటిని వృథా చేయవద్దని, ప్రతి నీటి బొట్టును పొదుపు చేయాలని నినాదాలు చేస్తూ ప్రజల్లో చైతన్యం కల్పించారు.

ఈ సందర్భంగా విద్యార్థులు నీటి ఆవశ్యకతను వివరిస్తూ ప్లకార్డులు ప్రదర్శించారు. భవిష్యత్ తరాలకు నీటి కొరత ఏర్పడకుండా ప్రతి ఒక్కరూ నీటి సంరక్షణకు బాధ్యతగా కృషి చేయాలని కార్యక్రమంలో పాల్గొన్నవారు పిలుపునిచ్చారు.

ఈ కార్యక్రమంలో ఎంఈఓ టీ. భాస్కర్, సామాజిక కార్యకర్తలు వినయ్ కుమార్, అరుణ గోగులమండ, త్రివేణ్ కుమార్, ప్రవీణ్ కుమార్, శశిధర్, అగస్టిన్ తదితరులు పాల్గొన్నారు.