టీఆర్ఎస్ పేరుతో కొత్త రాజకీయ పార్టీకి గ్రీన్ సిగ్నల్
టీఆర్ఎస్ పేరుతో కొత్త రాజకీయ పార్టీకి గ్రీన్ సిగ్నల్
తెలంగాణలో కొత్త రాజకీయ పరిణామం చోటుచేసుకుంది. కల్వకుంట్ల కవిత రాజకీయ పార్టీ స్థాపన కోసం కేంద్ర ఎన్నికల సంఘాన్ని ఆశ్రయిస్తూ పలు పేర్లను సూచించారు. అందులో భాగంగా తెలంగాణ ప్రజా జాగృతి, తెలంగాణ జాగృతి, తెలంగాణ రక్షణ సేన, తెలంగాణ రాష్ట్ర జాగృతి, తెలంగాణ ప్రజాశక్తి వంటి పేర్లను అప్లికేషన్లో పొందుపరిచారు.
ఈ జాబితాలో మూడో ఎంపికగా ఉన్న తెలంగాణ రక్షణ సేన (టీఆర్ఎస్) పేరుకు కేంద్ర ఎన్నికల సంఘం ఆమోదం తెలిపినట్లు సమాచారం. దీంతో కొత్త పార్టీ ఏర్పాటుకు మార్గం సుగమమైంది.
ఈ నిర్ణయంపై తెలంగాణ రక్షణ సేన నాయకులు ఆనందం వ్యక్తం చేస్తూ, విధి కల్వకుంట్ల కవిత వైపు నిలిచి టీఆర్ఎస్ పేరు ఆమెకు వచ్చేలా చేసిందని పేర్కొన్నారు. పార్టీ స్థాపనతో రాష్ట్ర రాజకీయాల్లో కొత్త సమీకరణాలు కనిపించే అవకాశముందని రాజకీయ విశ్లేషకులు అభిప్రాయపడుతున్నారు.
