ఓటు వేసి ఆదరించిన ప్రతి ఒక్కరికీ కృతజ్ఞతలు: రాయణి ధనలక్ష్మి

ఎన్నికల్లో సహకరించిన నాయకులు, కార్యకర్తలు, అభిమానులకు ప్రత్యేక ధన్యవాదాలు

హనుమంతునిపాడు (ఎన్ టుడే న్యూస్): హనుమంతునిపాడు మండలంలో జడ్పీటీసీ ఎన్నికల్లో వైఎస్సార్‌సీపీ అభ్యర్థిగా పోటీ చేసిన తనను ఓటు వేసి ఆదరించిన ప్రతి ఒక్కరికీ రాయణి ధనలక్ష్మి హృదయపూర్వక కృతజ్ఞతలు తెలిపారు. తనకు మద్దతుగా నిలిచి, ఎన్నికల సమయంలో సహకరించిన మండల నాయకులు, కార్యకర్తలు, అభిమానులకు ప్రత్యేక ధన్యవాదాలు తెలియజేశారు.

ఈ సందర్భంగా విడుదల చేసిన ప్రకటనలో ఆమె మాట్లాడుతూ.. ఎన్నికల్లో తనకు ఓటు వేసి ఆశీర్వదించిన ఓటర్లందరికీ పేరుపేరునా కృతజ్ఞతలు తెలిపారు. ఎన్నికల సమయంలో తనకు అండగా నిలిచిన ప్రతి ఒక్కరి సహకారం మరువలేనిదని పేర్కొన్నారు.

ముఖ్యంగా కనిగిరి నియోజకవర్గ వైఎస్సార్‌సీపీ ఇన్‌చార్జ్ దదాల నారాయణకు ప్రత్యేక ధన్యవాదాలు తెలిపారు. ఎన్నికల సమయంలో ఎదురైన పరిస్థితులు, చేసిన పోరాటం గురించి కనిగిరి నియోజకవర్గ ప్రజలకు తెలుసని పేర్కొన్నారు.

ఎన్నికల్లో ఎన్నో ఆటుపోట్లను ఎదుర్కొంటూ పోరాటం చేశామని, ఈ క్రమంలో ఎదురైన అనుభవాలు తమకు ఎంతో నేర్పించాయని తెలిపారు. ప్రజల ప్రేమాభిమానాలు, ఆశీర్వాదాలే తమకు కొండంత బలమని పేర్కొన్నారు.

తనపై చూపిన ఆదరాభిమానాలు, అందించిన సహకారానికి మరోసారి కృతజ్ఞతలు తెలియజేస్తూ.. భవిష్యత్తులోనూ ప్రజల ప్రేమాభిమానాలు ఇలాగే కొనసాగాలని రాయణి ధనలక్ష్మి కోరారు.