తిరువూరు ఎమ్మెల్యే కొలికపూడి శ్రీనివాసరావు మానవత్వం..

ప్రమాద బాధితురాలికి స్వయంగా సాయం 

ఎన్టీఆర్ జిల్లా: తిరువూరు ఎమ్మెల్యే కొలికపూడి శ్రీనివాసరావు మార్గమధ్యలో రోడ్డు ప్రమాదానికి గురైన మహిళకు తక్షణ సాయం అందించారు. గంపలగూడెం నుంచి తిరువూరు వస్తుండగా మార్గమధ్యలో బైక్ ప్రమాదంలో గాయపడి, రోడ్డుపై స్పృహ కోల్పోయి పడిపోయిన మహిళను ఎమ్మెల్యే గుర్తించారు. వెంటనే తన వాహనాన్ని నిలిపి కిందకు దిగి బాధితురాలి వద్దకు వెళ్లి ధైర్యం చెప్పారు. ఆలస్యం చేయకుండా స్వయంగా అంబులెన్స్‌కు ఫోన్ చేసి రప్పించారు. అంబులెన్స్ వచ్చే వరకు అక్కడే ఉండి, బాధితురాలిని దగ్గరుండి అంబులెన్స్‌లో ఆసుపత్రికి పంపించారు. ప్రమాద సమయంలో స్పందించి గాయపడిన మహిళకు సహాయం అందించిన ఎమ్మెల్యే చర్య స్థానికంగా చర్చనీయాంశంగా మారింది.