కేంద్ర ప్రభుత్వ ఉద్యోగులకు శుభవార్త..

రూ.1.8 లక్షల విలువైన ల్యాప్‌టాప్‌లు, ట్యాబ్లెట్లు ఉచితం

కేంద్ర ప్రభుత్వ ఉద్యోగులకు ఆర్థిక శాఖ కొత్త మార్గదర్శకాలతో ఊరటనిచ్చింది. ఇకపై పే లెవల్‌-8, అంతకంటే ఎక్కువ స్థాయి కలిగిన అధికారులు విధి నిర్వహణ కోసం ల్యాప్‌టాప్‌లు, ట్యాబ్లెట్లు వంటి ఎలక్ట్రానిక్ పరికరాలను పొందవచ్చు. సాధారణ పరికరాల కొనుగోలుకు గరిష్ఠంగా రూ.1.5 లక్షల వరకు, 'మేక్ ఇన్ ఇండియా'లో భాగంగా దేశీయంగా తయారైన పరికరాల కొనుగోలుకు రూ.1.8 లక్షల వరకు అనుమతి కల్పించింది. ఈ విధానంలో భాగంగా కొనుగోలు చేసిన పరికరాలను నాలుగేళ్ల పాటు విధి నిర్వహణకు వినియోగించాల్సి ఉంటుంది. నాలుగేళ్ల కాలపరిమితి పూర్తయిన తర్వాత సంబంధిత ఉద్యోగులు ఎలాంటి అదనపు చెల్లింపులు లేకుండా వాటిని తమ వ్యక్తిగత అవసరాల కోసం ఉపయోగించుకునే వెసులుబాటు కల్పించింది. కేంద్ర ప్రభుత్వ తాజా మార్గదర్శకాలతో ఉన్నత స్థాయి ఉద్యోగులకు డిజిటల్ పరికరాల వినియోగం మరింత సులభతరం కానుంది.