గొల్లపాలెం సముద్ర తీరానికి కొట్టుకొచ్చిన భారీ రబ్బర్ ఫెండర్

 పోర్టుల్లో నౌకలకు రక్షణగా ఉపయోగించే పరికరం.. 

ఆసక్తిగా పరిశీలించిన స్థానికులు అంబేద్కర్ కోనసీమ జిల్లా, నవంబర్ 12: మలికిపురం మండలం గొల్లపాలెం సముద్ర తీరానికి భారీ రబ్బర్ ఫెండర్ కొట్టుకొచ్చింది. సముద్ర అలల ఉధృతికి ఈ భారీ పరికరం తీరానికి చేరినట్లు తెలుస్తోంది. సాధారణంగా ఓడరేవుల్లో నౌకలు జెట్టీలను ఢీకొన్న సమయంలో వాటికి నష్టం కలగకుండా అడ్డుకునేందుకు రక్షణ కవచంగా రబ్బర్ ఫెండర్లను వినియోగిస్తారు. ఇంత భారీ పరిమాణంలో ఉన్న రబ్బర్ పరికరం సముద్ర తీరం చేరడంతో స్థానికులు ఆసక్తిగా దాన్ని పరిశీలించారు. అసలు ఈ ఫెండర్ ఎక్కడి నుంచి కొట్టుకొచ్చిందనే విషయంపై స్థానికుల్లో ఆసక్తి నెలకొంది.