ఆర్మూర్ నియోజకవర్గానికి 3,152 చేయూత పెన్షన్లు మంజూరు

ముఖ్యమంత్రి రేవంత్ రెడ్డికి కృతజ్ఞతలు తెలిపిన కాంగ్రెస్ ఇన్‌చార్జి ప్రొద్దుటూరు వినయ్ రెడ్డి

ఆర్మూర్: ఆర్మూర్ నియోజకవర్గ పరిధిలోని వివిధ మండలాలకు మొత్తం 3,152 చేయూత పెన్షన్లు మంజూరైనట్లు కాంగ్రెస్ నియోజకవర్గ ఇన్‌చార్జి ప్రొద్దుటూరు వినయ్ రెడ్డి తెలిపారు. అర్హులైన లబ్ధిదారులకు పెన్షన్లు మంజూరు చేయడంపై ముఖ్యమంత్రి రేవంత్ రెడ్డికి ఆయన కృతజ్ఞతలు తెలిపారు.

నియోజకవర్గంలోని మండలాల వారీగా మంజూరైన పెన్షన్ల వివరాలను వినయ్ రెడ్డి వెల్లడించారు. వాటి ప్రకారం ఆర్మూర్‌కు 479, ఆలూర్‌కు 328, ఆర్మూర్ మండలానికి 895, డొంకేశ్వర్‌కు 234, మాక్లూర్‌కు 533, నందిపేటకు 683 పెన్షన్లు మంజూరయ్యాయి. ఈ ఆరు ప్రాంతాలకు కలిపి మొత్తం 3,152 పెన్షన్లు మంజూరైనట్లు ఆయన పేర్కొన్నారు.

ప్రభుత్వం చేయూత పెన్షన్ల మంజూరుకు చర్యలు తీసుకోవడం పట్ల హర్షం వ్యక్తం చేసిన వినయ్ రెడ్డి, అర్హులైన లబ్ధిదారులకు ఈ పథకం ద్వారా ఆర్థిక భరోసా లభిస్తుందని తెలిపారు. నియోజకవర్గ ప్రజల సంక్షేమానికి సహకరించిన ముఖ్యమంత్రి రేవంత్ రెడ్డికి మరోసారి ధన్యవాదాలు తెలియజేశారు.