స్వచ్ఛ సర్వేక్షణ్ అవార్డుల్లో తెలుగు రాష్ట్రాలకు జాతీయ గుర్తింపు

ఢిల్లీ: స్వచ్ఛ సర్వేక్షణ్ అవార్డుల ప్రదానోత్సవంలో ఆంధ్రప్రదేశ్, తెలంగాణ రాష్ట్రాలు జాతీయ స్థాయి పురస్కారాలను అందుకున్నాయి. ఢిల్లీలోని విజ్ఞాన్ భవన్‌లో జరిగిన ఈ కార్యక్రమంలో రాష్ట్రపతి ద్రౌపదీ ముర్ము చేతుల మీదుగా అవార్డులు ప్రదానం చేశారు. ఆంధ్రప్రదేశ్ తరఫున మంత్రి నారాయణ ఆరు అవార్డులను స్వీకరించారు. విశాఖపట్నం, విజయవాడ, రాజమహేంద్రవరం, గుంటూరు, తిరుపతి, కుప్పం పురపాలక సంస్థలు ఈ పురస్కారాలకు ఎంపికయ్యాయి. మరోవైపు తెలంగాణ తరఫున మంత్రి పొన్నం ప్రభాకర్, జీహెచ్‌ఎంసీ కమిషనర్ ఆర్వీ కర్ణన్, హెచ్‌ఎండీఏ కమిషనర్ సర్ఫరాజ్ అహ్మద్ జాతీయ స్థాయి పురస్కారాన్ని అందుకున్నారు. పట్టణాల్లో పారిశుద్ధ్య నిర్వహణ, చెత్త సేకరణ, వ్యర్థాల శుద్ధి, నిర్వహణలో మెరుగైన పనితీరు కనబరిచినందుకు తెలుగు రాష్ట్రాలకు ఈ గుర్తింపు లభించింది.