అప్పిరెడ్డిపై అక్రమ కేసులు పెట్టి జైలుకు పంపించారు

 2029లో మా ప్రతిస్పందన ఎలా ఉంటుందో సిద్ధంగా ఉండండి: అంబటి రాంబాబు

వైసీపీ నేత, మాజీ మంత్రి అంబటి రాంబాబు అధికార కూటమిపై తీవ్రస్థాయిలో విమర్శలు చేశారు. అప్పిరెడ్డిపై తప్పుడు కేసులు నమోదు చేసి జైలుకు పంపించారని ఆరోపించారు. జైలులో సైతం అధికారులు ఆయనను వేధిస్తున్నారని మండిపడ్డారు. ఎమ్మెల్సీకి రక్షణ కల్పించలేమని చెప్పడం విడ్డూరంగా ఉందన్నారు. బస్సు నుంచి బ్యాలెట్‌ పెట్టెను ఎందుకు దించారనే విషయంపై ఇప్పటివరకు సరైన సమాధానం చెప్పలేదని విమర్శించారు. బ్యాలెట్‌ పెట్టెను కాపాడినందుకే అప్పిరెడ్డిని అరెస్టు చేశారని ఆరోపించారు. కొమ్మినేని కోటేశ్వరరావు గెలుపు కోసం పోలీసులు పనిచేశారని విమర్శించారు. ప్రజాస్వామ్య వ్యవస్థలను కాపాడాల్సిన అధికారులు అధికార పార్టీకి అనుకూలంగా వ్యవహరించడం సరికాదని అన్నారు. 2029 ఎన్నికల సమయంలో తమ ప్రతిస్పందన ఎలా ఉంటుందో సిద్ధంగా ఉండాలని అంబటి రాంబాబు హెచ్చరించారు

.