ఆర్టీసీ ఎన్నికలకు పటిష్ట బందోబస్తు

ఖమ్మం జిల్లా మధిరలో శుక్రవారం జరగనున్న ఆర్టీసీ గుర్తింపు సంఘ ఎన్నికలకు పటిష్ట బందోబస్తు ఏర్పాటు చేసినట్లు మధిర టౌన్ సీఐ రమేష్ తెలిపారు.

ఎన్నికల నేపథ్యంలో గురువారం ఆర్టీసీ డిపోలో ఏర్పాటు చేసిన పోలింగ్ కేంద్రాలను సీఐ రమేష్ పరిశీలించారు. పోలింగ్ ప్రక్రియ ప్రశాంతంగా, ఎలాంటి అవాంఛనీయ సంఘటనలకు తావులేకుండా నిర్వహించేందుకు అవసరమైన భద్రతా చర్యలు చేపట్టినట్లు తెలిపారు.

ఎన్నికలు సజావుగా జరిగేందుకు యూనియన్ నాయకులు పోలీసులకు సహకరించాలని సీఐ కోరారు. ఎన్నికల సందర్భంగా డిపో పరిసరాల్లో ప్రత్యేక బందోబస్తు ఏర్పాటు చేసినట్లు వెల్లడించారు.