కట్టలేరు వాగు ఉధృతితో 20 గ్రామాలకు రాకపోకలు బంద్
ఎన్నికల విధులకు వెళ్లే సిబ్బందికి తప్పని ఇబ్బందులు 2 కిలోమీటర్ల దూరానికి 30 కిలోమీటర్లు చుట్టూ తిరగాల
కట్టలేరు వాగు ఉధృతితో 20 గ్రామాలకు రాకపోకలు బంద్
ఎన్నికల విధులకు వెళ్లే సిబ్బందికి తప్పని ఇబ్బందులు 2 కిలోమీటర్ల దూరానికి 30 కిలోమీటర్లు చుట్టూ తిరిగిరావాల్సిన పరిస్థితి
ఎన్టీఆర్ జిల్లా గంపలగూడెం మండలంలో కట్టలేరు వాగు వరద ప్రవాహం స్థానిక ప్రజలకు తీవ్ర ఇబ్బందులు కలిగిస్తోంది. వినగడప, తోటమూల గ్రామాల మధ్య ఉన్న కట్టలేరు వాగుపై వరద ఉధృతి పెరగడంతో శివారు ప్రాంతాల్లోని సుమారు 20 గ్రామాలకు రాకపోకలు పూర్తిగా నిలిచిపోయాయి. వాగు దాటే పరిస్థితి లేకపోవడంతో ఆయా గ్రామాల ప్రజలు రాకపోకలకు తీవ్ర ఇబ్బందులు ఎదుర్కొంటున్నారు. ఇదిలా ఉండగా నవంబర్ 5వ తేదీన జరగనున్న ఎంపీటీసీ, జెడ్పీటీసీ ఎన్నికల విధులకు వెళ్లాల్సిన సిబ్బందికి ఈ వరద ప్రవాహం పెద్ద సమస్యగా మారింది. ఎన్నికల సామగ్రితో పోలింగ్ కేంద్రాలకు చేరుకోవాల్సిన సిబ్బంది ప్రత్యామ్నాయ మార్గాల్లో ప్రయాణించాల్సిన పరిస్థితి ఏర్పడింది. కేవలం రెండు కిలోమీటర్ల దూరం ప్రయాణించాల్సిన వారు సుమారు 30 కిలోమీటర్లు చుట్టూ తిరిగి వెళ్లాల్సి వస్తోంది. వరద ఉధృతి తగ్గకపోవడంతో గ్రామాల ప్రజలు, ఎన్నికల సిబ్బంది ఇబ్బందులు పడుతున్నారు.
