PRGTA వరంగల్ జిల్లా నూతన కమిటీ...
అధ్యక్షుడిగా ఎన్. శివాజీ.. ప్రధాన కార్యదర్శిగా డి. కృపాకర్ రెడ్డి
వరంగల్, సెప్టెంబర్ 28:
వరంగల్ జిల్లాలోని మైనారిటీ, బీసీ, ఎస్సీ, ఎస్టీ, జనరల్ గురుకుల ఉపాధ్యాయులతో జిల్లా కమిటీ నిర్మాణ సమావేశాన్ని PRGTA ఆధ్వర్యంలో నిర్వహించారు. ఈ సందర్భంగా 24 మంది సభ్యులతో నూతన జిల్లా కమిటీని ఏకగ్రీవంగా ఎన్నుకున్నారు.
నూతన కమిటీ అధ్యక్షుడిగా ఎన్. శివాజీ, ప్రధాన కార్యదర్శిగా డి. కృపాకర్ రెడ్డిని ఏకగ్రీవంగా ఎన్నుకున్నారు. కమిటీ సభ్యులు గురుకుల ఉపాధ్యాయుల సమస్యలు, హక్కులు, సంక్షేమానికి సంబంధించిన అంశాలపై సమష్టిగా పనిచేయాలని నిర్ణయించారు.
ఈ సందర్భంగా PRGTA రాష్ట్ర అధ్యక్షుడు వేమిరెడ్డి దిలీప్ కుమార్ రెడ్డి మాట్లాడుతూ గురుకుల ఉపాధ్యాయులు ఎదుర్కొంటున్న సమస్యలను సంబంధిత అధికారుల దృష్టికి తీసుకెళ్లడంతో పాటు, వారి హక్కులు, సంక్షేమం కోసం సంఘం తరఫున కృషి చేస్తామని తెలిపారు.
జిల్లా స్థాయిలో ఉపాధ్యాయులను సమన్వయం చేస్తూ వారి సమస్యల పరిష్కారానికి కృషి చేస్తామని నూతన కమిటీ సభ్యులు తెలిపారు. సమావేశంలో గురుకుల ఉపాధ్యాయులు, సంఘం ప్రతినిధులు పాల్గొన్నారు.
