విజయవాడ భవానీపురంలో వైభవంగా ‘డూండి’ గణపతి నవరాత్రి ఉత్సవాలు

72 అడుగుల మహా మట్టి గణపతిని దర్శించుకున్న మంత్రి నారా లోకేష్

విజయవాడ భవానీపురంలో డూండి గణేష సేవా సమితి ఆధ్వర్యంలో నిర్వహిస్తున్న వినాయక నవరాత్రి ఉత్సవాల్లో విద్య, ఐటీ శాఖల మంత్రి నారా లోకేష్ పాల్గొన్నారు. పర్యావరణహితంగా రూపొందించిన 72 అడుగుల శ్రీ పంచముఖ వరసిద్ధి మహా గణపతిని దర్శించుకుని ప్రత్యేక పూజలు నిర్వహించారు. ఉత్సవ ప్రాంగణానికి చేరుకున్న మంత్రి లోకేష్‌కు నిర్వాహకులు ఘనస్వాగతం పలికారు. అనంతరం మహా గణపతిని దర్శించుకున్న ఆయనకు వేదపండితులు ప్రత్యేక ఆశీర్వచనాలు అందించారు. అనంతరం ఉత్సవ కమిటీ సభ్యులతో మంత్రి ఫొటోలు దిగారు. కార్యక్రమంలో డూండి గణేష సేవా సమితి వ్యవస్థాపకులు డూండి రాకేష్, ఎంపీ కేశినేని శివనాథ్, విజయవాడ పశ్చిమ నియోజకవర్గ టీడీపీ ఇన్‌చార్జి బుద్దా వెంకన్న, ఎన్టీఆర్ జిల్లా టీడీపీ అధ్యక్షురాలు గద్దె అనురాధతో పాటు డూండి గణేష సేవా సమితి ప్రతినిధులు పాల్గొన్నారు.