వరంగల్ ఏసీబీ వేటలో అక్రమార్కుల హడలిక.. 5 నెలల్లో 9 కేసులు, 16 మంది అరెస్ట్

ఉమ్మడి వరంగల్ జిల్లాలో అవినీతి నిరోధక శాఖ (ఏసీబీ) దూకుడు పెంచింది. గత ఐదు నెలల్లో మొత్తం 9 కేసుల్లో 16 మంది అక్రమార్కులను పట్టుకొని చట్టపరమైన చర్యలు తీసుకుంది.

జనవరిలో కేయూ ఎస్సై శ్రీకాంత్‌తో ప్రారంభమైన ఈ వేటలో అడిషనల్ కలెక్టర్ వెంకట్ రెడ్డి, సబ్ రిజిస్ట్రార్లు, ఎస్సైలు, ఉపాధ్యాయులు, తాజాగా ఎంపీడీవో వరకు చిక్కడం గమనార్హం.

6 ట్రాప్ కేసులు, 2 అసెట్ కేసులు, 1 రిజిస్ట్రార్ కేసు నమోదు చేయడంతో వరంగల్ ఏసీబీ అధికారులు అవినీతిపై ఉక్కుపాదం మోపుతున్నట్టు స్పష్టమవుతోంది.