దసరా ఉత్సవాలకు ముస్తాబవుతున్న విజయవాడ

విజయవాడ: దసరా శరన్నవరాత్రుల సందర్భంగా విజయవాడ నగరం భారీ సాంస్కృతిక వేడుకలకు సిద్ధమవుతోంది. అక్టోబర్ 11 నుంచి 20 వరకు పది రోజుల పాటు ‘విజయవాడ ఉత్సవ్-2.0’ నిర్వహించనున్నారు. ఆంధ్రప్రదేశ్ పర్యాటక శాఖ ఆధ్వర్యంలో జరిగే ఈ ఉత్సవాలకు పున్నమి ఘాట్ ప్రధాన వేదికగా ఉండనుంది.

ఉత్సవాల్లో భాగంగా జానపద, సాంస్కృతిక కార్యక్రమాలు, నృత్య ప్రదర్శనలు, సంగీత కార్యక్రమాలు, సెలబ్రిటీ వినోద కార్యక్రమాలు, మెగా కార్నివాల్, ఫైర్‌వర్క్స్ తదితర కార్యక్రమాలను నిర్వహించేందుకు ఏర్పాట్లు చేస్తున్నారు. విజయవాడ ఉత్సవ్‌తో పాటు జాతీయ సరస్ మేళా కూడా దసరా వేడుకల సమయంలో నిర్వహించనున్నారు.

విజయవాడ నగరాన్ని సాంస్కృతిక, ఆధ్యాత్మిక, పర్యాటక కేంద్రంగా మరింత ఆకర్షణీయంగా తీర్చిదిద్దే లక్ష్యంతో ఈ వేడుకలను నిర్వహిస్తున్నట్లు అధికారులు తెలిపారు. దేశవ్యాప్తంగా కళాకారులు, సందర్శకులు, భక్తులు పాల్గొనేలా కార్యక్రమాలను రూపొందిస్తున్నారు.

ఇదిలా ఉండగా, అక్టోబర్ 11 నుంచి 20 వరకు ఇంద్రకీలాద్రిపై దుర్గామల్లేశ్వర స్వామివారి దసరా శరన్నవరాత్రి ఉత్సవాలు కూడా జరగనున్నాయి. దసరా వేడుకల నేపథ్యంలో భక్తుల రద్దీ, ట్రాఫిక్, భద్రత, దర్శన ఏర్పాట్లపై అధికారులు ప్రత్యేక దృష్టి సారిస్తున్నారు.

ముగింపు కార్యక్రమానికి ముఖ్యమంత్రి చంద్రబాబు నాయుడు హాజరయ్యే అవకాశం ఉందనే సమాచారం ఉన్నప్పటికీ, దీనిపై అధికారిక