వరంగల్ : అండర్‌-19 చదరంగం ఎంపిక పోటీలు ఈ నెల 15న

హనుమకొండలోని మాస్టర్జీ (వికాస్) హైస్కూల్‌లో నిర్వహణ.. రాష్ట్రస్థాయి పోటీలకు నలుగురు బాలురు, నలుగురు బాలికల ఎంపిక

హనుమకొండ: ఉమ్మడి వరంగల్ జిల్లా చదరంగ సమాఖ్య ఆధ్వర్యంలో ఈ నెల 15న అండర్‌-19 బాలబాలికల చదరంగం ఎంపిక పోటీలు నిర్వహించనున్నారు. హనుమకొండ రెడ్డికాలనీలోని మాస్టర్జీ (వికాస్) హైస్కూల్‌లో ఈ పోటీలు జరగనున్నట్లు సమాఖ్య ప్రతినిధులు తెలిపారు.

ఈ పోటీల్లో పాల్గొనేందుకు 2007 జనవరి 1వ తేదీన లేదా ఆ తర్వాత జన్మించిన బాలబాలికలు అర్హులని వెల్లడించారు. ఆసక్తి ఉన్న అర్హులైన క్రీడాకారులు ఎంపిక పోటీల్లో పాల్గొనవచ్చని సూచించారు.

ఈ పోటీల్లో ప్రతిభ కనబరిచిన క్రీడాకారుల్లో నలుగురు బాలురు, నలుగురు బాలికలను ఎంపిక చేయనున్నారు. ఎంపికైన వారు రాష్ట్రస్థాయి చదరంగ పోటీల్లో ఉమ్మడి వరంగల్ జిల్లా తరఫున ప్రాతినిధ్యం వహించనున్నారు. రాష్ట్రస్థాయి పోటీలకు అర్హత సాధించేందుకు క్రీడాకారులు తమ ప్రతిభను ప్రదర్శించాల్సి ఉంటుంది.