అతిరాసి ప్రసాద్ ను పరామర్శించి, రూ. 10 వేలు ఆర్థికసాయం చేసిన డాక్టర్ దద్దాల

ప్రమాదంలో గాయపడిన కార్యకర్తకు వైసీపీ నేత పరామర్శ.. రూ.10 వేల ఆర్థిక సాయం

కనిగిరి: వెలిగండ్ల మండలం బల్లవరం పంచాయతీ పరిధిలోని నరసమాంబాపురం గ్రామానికి చెందిన పార్టీ కార్యకర్త అతిరాసి ప్రసాద్ ప్రమాదవశాత్తు శరీరానికి కాలిన గాయాలు కావడంతో కనిగిరిలోని సంజీవని మల్టీ స్పెషాలిటీ ఆస్పత్రిలో చికిత్స పొందుతున్నారు.

విషయం తెలుసుకున్న కనిగిరి నియోజకవర్గ వైఎస్సార్ కాంగ్రెస్ పార్టీ ఇన్‌చార్జ్ దద్దాల నారాయణ యాదవ్ మంగళవారం ఆస్పత్రికి వెళ్లి ప్రసాద్‌ను పరామర్శించారు. ప్రమాదం జరిగిన తీరును, ప్రస్తుతం ఆయన ఆరోగ్య పరిస్థితిని అడిగి తెలుసుకున్నారు.

వైద్య ఖర్చుల నిమిత్తం ప్రసాద్ కుటుంబానికి రూ.10 వేల ఆర్థిక సహాయాన్ని అందించారు. చికిత్సకు సంబంధించిన వివరాలను వైద్యులను అడిగి తెలుసుకుని, ప్రసాద్ త్వరగా కోలుకోవాలని ఆకాంక్షించారు.

ఈ కార్యక్రమంలో కటికల వెంకటరత్నం, పల్నాటి భాస్కర్ రెడ్డి, గాండ్లపర్తి ఆదినారాయణ రెడ్డి, చిలకల నారాయణరెడ్డి తదితరులు పాల్గొన్నారు.