గచ్చిబౌలి హాస్టల్‌లో యువతి ఆత్మహత్య

హైదరాబాద్: గచ్చిబౌలిలోని ఓ హాస్టల్‌లో మార్కాపురం జిల్లా యర్రగొండపాలెంకు చెందిన మండేలా మనీషా (26) ఆత్మహత్యకు పాల్పడిన ఘటన చోటుచేసుకుంది. ఆమె నానక్రమ్‌గూడలోని ఓ సాఫ్ట్‌వేర్‌ కంపెనీలో ఉద్యోగం చేస్తున్నట్లు పోలీసులు తెలిపారు.

హాస్టల్‌ గదిలో మనీషా ఆత్మహత్యకు పాల్పడినట్లు సమాచారం అందడంతో గచ్చిబౌలి పోలీసులు ఘటనా స్థలానికి చేరుకున్నారు. ప్రాథమికంగా లభించిన సూసైడ్‌ నోట్‌లో డిప్రెషన్‌, ఒంటరితనం కారణంగా ఈ నిర్ణయం తీసుకున్నట్లు పేర్కొన్నట్లు పోలీసులు తెలిపారు.

పోలీసులు మృతదేహాన్ని ఉస్మానియా ఆసుపత్రికి తరలించారు. ఘటనపై కేసు నమోదు చేసి దర్యాప్తు చేపట్టారు. ఆత్మహత్యకు దారితీసిన పూర్తి కారణాలపై పోలీసులు విచారణ కొనసాగిస్తున్నారు.