కాకుమాను రాజశేఖర్ మృతిపై వైఎస్ జగన్ సంతాపం

ఒంగోలు: వైఎస్సార్ కాంగ్రెస్ పార్టీ రాష్ట్ర ప్రచార విభాగం అధ్యక్షుడు కాకుమాను రాజశేఖర్ మృతిపై వైఎస్సార్సీపీ అధినేత, మాజీ ముఖ్యమంత్రి వైఎస్ జగన్మోహన్ రెడ్డి సంతాపం తెలిపారు.

రాజశేఖర్ సతీమణి షర్మిలమ్మతో వైఎస్ జగన్ ఫోన్‌లో మాట్లాడి కుటుంబ సభ్యులను పరామర్శించారు. రాజశేఖర్ మృతితో కుటుంబానికి కలిగిన బాధపై విచారం వ్యక్తం చేస్తూ, కుటుంబ సభ్యులకు తన ప్రగాఢ సానుభూతిని తెలియజేశారు.

కాగా, త్వరలో ఒంగోలు పర్యటించి కాకుమాను రాజశేఖర్ కుటుంబ సభ్యులను వైఎస్ జగన్ పరామర్శించనున్నట్లు వైఎస్సార్సీపీ వర్గాలు తెలిపాయి. రాజశేఖర్ మృతి పార్టీ శ్రేణుల్లో విషాదాన్ని నింపిందని పేర్కొన్నాయి.