ఒంగోలుకు చేరుకున్న వైయస్ జగన్

ఒంగోలుకు చేరుకున్న వైఎస్ జగన్

ఒంగోలు: వైఎస్సార్ కాంగ్రెస్ పార్టీ అధ్యక్షుడు, మాజీ ముఖ్యమంత్రి వైఎస్ జగన్‌మోహన్‌రెడ్డి మంగళవారం ఒంగోలుకు చేరుకున్నారు. ఇటీవల మృతి చెందిన వైఎస్సార్‌సీపీ రాష్ట్ర ప్రచార విభాగం అధ్యక్షుడు కాకుమాను రాజశేఖర్ కుటుంబాన్ని పరామర్శించేందుకు ఆయన ఒంగోలుకు వచ్చారు.

ఏబీఎం గ్రౌండ్‌లో ఏర్పాటు చేసిన హెలిప్యాడ్‌కు హెలికాప్టర్‌లో చేరుకున్న జగన్‌కు పార్టీ నాయకులు, కార్యకర్తలు, అభిమానులు స్వాగతం పలికారు. అనంతరం అక్కడి నుంచి రాజశేఖర్ నివాసానికి వెళ్లి కుటుంబ సభ్యులను పరామర్శించనున్నారు.

కాకుమాను రాజశేఖర్ ఇటీవల హైదరాబాద్‌లో గుండెపోటుతో మృతి చెందినట్లు పార్టీ వర్గాలు తెలిపాయి. ఆయన గతంలో లిడ్‌క్యాప్ చైర్మన్‌గా పనిచేయడంతో పాటు వైఎస్సార్‌సీపీ రాష్ట్ర ప్రచార విభాగం అధ్యక్షుడిగా కొనసాగారు.

కుటుంబ సభ్యులను పరామర్శించిన అనంతరం పార్టీకి సంబంధించిన అంశాలపై నాయకులతో జగన్ సమావేశమయ్యే అవకాశం ఉందని పార్టీ వర్గాలు తెలిపాయి.